Аһымал күнэ

17/03/2026
нет

Кулун тутар 12 күнүгэр Нам улууһун үрдүнэн, быстах байыаннай дьыалаҕа кытта сылдьар дьоммутун өйүүр сыаллаах аһымал күнэ ыытылынна. Модут нэһилиэгэ туора турбакка бу хамсааһыҥҥа көхтөөхтүк кытынна. Е.Г.Гоголев аатынан КСК нэһилиэк уус-уран самодеятельноһа кыттыылаах концерт тэрилиннэ. Концертка «Ситим» үҥкүү бөлөҕө (сал. М.В.Шамаева), Күбэйэ ырыа ансаамбыла (сал.Е.П.Куличкина-Шамаева), Модут орто оскуолатын иһинэн тэриллэн үлэлиир «Күн Үүн» (сал.Уваровская Р.А.) үҥкүү, фольклор бөлөхтөрө (сал. Петрова Т.В.), тахсан эрэр талааннаах ырыаһыт Алгыстаан Захаров, «Кэнчээри» уһуйаан иитиллээччилэрэ Айсаана Евстафьева, Богдан Иванов, ырыаһыттар Софья Осипова, Маргия Аргунова. Андрей Софронеев, Людмила Дьяконова, Наталья Слепцова кыттыыны ыллылар. Концерт кэмигэр, анал уурунаҕа олохтоохтор көмө үптэрин уктулар. Элбэх киһи кыттыыны ылбыта, нэһилиэк дьоно түмсүүлээҕин көрдөрдө.