Айыы киһитэ аһыныгас, күн киһитэ көмүскэс
- 09/03/2023
- 150
- нет
Кулун тутар 7 күнүгэр биир дойдулаахтарбыт Маргарита Григорий Шамаевтар эдэр дьиэ кэргэн 10 саастаах Бэргэн диэн уоллара «Пауциартикулярный юношеский артрит» ыарыыта эмискэ бэргээн Москва куоракка эмтэнэ барарыгар көмөҕө аһымал концерт тэрийэн ыыттыбыт.
Концерга Партизан нэһилиэгин «Дьүрүл» бөлөх салайааччыта Мария Аргунова, Нам сэлиэнньэтин «Түөлбэ» оҕо киинин үлэһитэ Сахаайа Колодезникова, А.Шестаков аатынан Нам сэлиэнньэтин культуура дьиэтин иһинэн үлэлиир Федот Соловьев студиятын солистката Күннэй Федорова, Хатырык нэҺилиэгин «Сайдам норуот» айымньытын дьиэтин салайааччыта Елена Ефремова — Сандаара Иэйиэхсит ыалдьыттаатылар. Барыта 21 араас нүөмэрдэттэн таҥыллыбыт концерпыт ситиһиилээхтик ааста.
Концерт кэмигэр аһымал акция ууруната турбута. Манна баҕалаах дьон элбэх оҕолоох ыалга харчыннан көмөлөрүн уктулар. Акция5а Модут орто оскуолатын бэһис кылааһын үөрэнээччитэ Арина Гадимова бэйэтин илиитинэн онорбут гипсовай сувенирдарын атыылан 3100 солкуобайы киллэрэн тус көмөтүн оҥордо. Түмүккэ барыта 127 000 солкуобай харчы оҕо эмтэниитигэр көмөҕө киирдэ.
Көхтөөх кыттыыны ылбыт бар дьоммутугар барҕа махталбытын тиэрдэбит. Үтүөнү оҥорбуккут сүүс төгүл үтүөннэн эргийдин.
Комментарий читателей статьи "Айыы киһитэ аһыныгас, күн киһитэ көмүскэс"