МБУ «ДК им. И.С. Охлопкова»
МО «Модутский наслег»
Намского улуса РС(Я)

Саха Өрөспүүбүлүкэтигэр ону кытта Модут нэһилиэгэр «КУЛТУУРА» сылыгар, Аан дойду дьахталларын күнүн көрсө, Саха Өрөспүүлүкэтин үтүөлээх артыыһа, Саха дьахталларыттан бастакы идэтийбит кэпсэтии жанрын артыыһа, көр-күлүү маастара, Модут нэһилиэгин бочуоттаах олохтооҕо Валентина Чиркова аатынан «Дьахталлар күлсэллэр» көр-күлүү уонна сатира күрэҕэ тэриллэн, кулун тутар 7 күнүгэр ыытылынна. Күрэххэ Модут орто оскуолатын, олохтоох дьаһалта, И.С.Охлопков аатынан култуура дьиэтин коллективтарын, нэһилиэк икки түөлбэтин көр-күлүү бөлөхтөрө кыттыыны ыллылар. Күрэххэ Горнай улууһун Мытаах нэһилиэгин «Дьиикимдэ дьээбэлэрэ» көр-күлүү бөлөҕүн салайааччыта Артур Егоров, 2025 сыл бастыҥ конферансьета, сыана уонна култуура ветерана Василий Бурнашев, Саха Өрөспүүбүлүкэтин културатын туйгуна, Нам улууһун норуот театрын сүрүн режиссера, Түбэ нэһилиэгин бочуоттаах олохтооҕо Иван Новиков дьүүллүүр сүбэтинэн үлэлээтилэр. Күрэх түмүгэр кыайыылааҕынан нэһилиэк «Эрэл» 3-с түөлбэтиттэн (сал.Куличкина А.А.) Мария Ревовна уонна Евдокия Куличкина-Шамаева туруорбут «Кекс» миниатюрата буолла. Кыайыылаахтар Валентина Ивановна анал бэлэҕин (посудомойканы) туттулар. 1 ст.лауреат аатын И.С.Охлопков аатынан култуура дьиэтин коллектива, 2-с ст.лауреат аатын Модут орто оскуолатын коллектива, 3-с ст.лауреат аатын олохтоох дьаһалта коллектива ылбыттара. «Көхтөөх кыттыы» номинация туттарылынна Аркадий Винокуровка, «Чобуо хотун» аат иҥэрилиннэ Софья Осиповаҕа. Хас биирдии кыттааччы култуура дьиэтин коллектива туруорбут сыаналаах бэлэхтэрин тутан үөрүүлэрэ үксээтэ. (Хаартыскалары бу сигэннэн киирэн көрүҥ max.ru/id14170084… )