МБУ «ДК им. И.С. Охлопкова»
МО «Модутский наслег»
Намского улуса РС(Я)

 Кулун тутар 7 күнүгэр «Баакычча» арыы аттыгар, Өлүөнэ эбэбит биир салаатыгар нэһилиэкпит дьахталларыгар анаан «Күөх боллох тойон бэлэҕэ» диэн, олохтоох дьаһалтаны кытта, муус аннынан балыктааһын күрэҕин ыыттыбыт. Күрэххэ барыта 11 хамаанда кыттыыны ылла. Күрэх түмүгэр олохтоох И.С.Охлопков аатынан культура дьиэтин коллектива кыайыыны ылла. «Саамай улахан балык» уонна «Бастакы балык» номинацияларга Хамаҕатта нэһилиэгин хамаандата ылла. «Саамай кыра балык» номинация улууспут кииниттэн кэлбит хамаанда ылан үөрүү-көтүү буоллулар. «Бастыҥ ойбон тэһээччи» аатын Александр Шамаев ылыан ылла. «Саамай эдэр» күрэхпит кытааччытын аатын Леонида Васильева ылла.
Кэлбит кыргыттарга «Хаатыҥка быраҕыы» уонна «Быа эрийии» оонньуулар ыытылыннылар.